Жамбыл облысы Шу қаласы Ыбырай Алтынсарин атындағы орта мектебінде «Жомарт түлек» жобасы бойынша  16 мамыр күні  «Отаным деп соқсын жүрегім» атты кездесу кеші өтті. Шу ауданында дүниеге келген ақын, сазгерлердің өмір жолымен таныстыру, ерен еңбектері мен шығармаларын өскелең ұрпақ арасында насихаттау барысында мәдениет саласының өркендеуіне өзіндік үлесі бар  мектебіміздің түлегі Мырзақұлов Нариман Сүндетұлы және жерлестеріміз Орманқұлов Қуат Мұхтарұлы,Азаматов Ермахан Қожағұлұлы атбастарын бұрып,алтындай уақыттарын бөліп, келіп мектебіміздің акт залында білім алушылармен және мектеп мұғалімдерімен көңілге қонымды тамаша кеш өткізді. Кездесу аясында ақиық ақын сазгер ағаларымыздың өмір жолдарымен қатар өмірдегі шыққан шыңдарымен белестерін таныстыра отырып жазған әндері мен арнауларын сахна төрінде Қазақстан Республикасының мәдениет қайраткері, «Ерен еңбегі» орденінің иегері,ауданымыздың жезтаңдай әншісі Жанат Досжанова мен ауданымыздың танымал әншісі ,көптеген конкурстардың жеңімпазы Бауыржан Үйсімбаев мәнеріне келтіріп тамылжыта орындады.

#Жомарттүлек

#Мектепкетағзым