«Біз терроризм мен діни экстремизмге қарсымыз» тақырыбында кездесу өткізді.
Шу қаласы «Ыбырай Алтынсарин атындағы орта мектебі»КММ-нде 2022 жылдың 14сәуірінде Шу қалалық әкімі аппаратының бас маманы Ғ.Қақпанбаева және «Айтқұл баба» мешітінің имамы Нармуханов Бақтияр 9 сынып білім алушыларымен «Біз терроризм мен діни экстремизмге қарсымыз» тақырыбында кездесу өткізді. Жастарға бағыт-бағдар беретін насихат айтып, қазіргі таңдағы еліктіргіш нәрселердің жетегінде кетпей, ғаламторды пайдалануда тек пайдалы болған дүниелерді қарауға шақырды. Сонымен қатар, жастардың албырт шағында қызбалыққа салынбай, әр істе ойланып істеуді, ата-ана, ұстаздардың кеңесіне құлақ асу керектігін баса айтты. Жалпы бұл кездесу оқушыларды үлкен әсерге бөледі және көкейлеріндегі сұрақтарды қойып, оған жауаптар алды.
